Prentisiaeth Newyddiadurwr Iau – Lefel 5 – BBC Chwaraeon – Caerdydd – Welsh Language – Sport

AI UN O BRENTISIAETHAU’R BBC YW’R SWYDD NESAF I CHI?

PAM YMUNO Â’R CYNLLUN?

Mae’r Brentisiaeth Newyddiadurwr Iau yn ddelfrydol ar gyfer unigolion chwilfrydig sy’n frwd dros adrodd straeon. Os ydych chi newydd adael yr ysgol neu ar fin gorffen yr ysgol ac nad yw prifysgol yn addas i chi, mae’r rhaglen hon yn darparu hyfforddiant newyddiaduraeth o’r radd flaenaf gyda’r darlledwr gwasanaeth cyhoeddus mwyaf y byd.

Byddwch yn cael profiad ymarferol wrth weithio tuag at Ddiploma NCTJ mewn Newyddiaduraeth a chymhwyster prentisiaeth Lefel 5 – gan eich paratoi ar gyfer dyfodol yn y diwydiant.

I gael rhagor o wybodaeth am y cynlluniau rydym ni’n eu cynnig, gallwch gofrestru i ymuno ag un o’n gweminarau yma. Cadw llygad ar ein rhestr chwarae gwe-dathliad ar Youtube yma.

PAM YMUNO Â’R TÎM?

Mae gan Adran Chwaraeon BBC Cymru Wales hanes anhygoel o ddatblygu a darparu cynnyrch gwreiddiol a gwahanol yn ddyddiol ar draws llwyfannau digidol, y teledu a’r radio, gan gynnwys brandiau hysbys sydd ag enw da fel Scrum V, MOTD Wales, Clwb Rygbi, Feast of Football, Radio Wales Sport, Chwaraeon Radio Cymru, a BBC Sport ar-lein. Rydym yn chwilio am brentisiaid sy’n frwd dros chwaraeon ac sy’n awyddus i weithio gyda rhai o ddigwyddiadau chwaraeon mwyaf Cymru mewn amgylcheddau gwaith prysur.

EICH PRIF GYFRIFOLDEBAU A’CH DYLANWAD

Fel Prentis Newyddiadurwr Iau, dyma gyfle gwych i ddysgu, tyfu a chyfrannu. Byddwch yn:

• Gweithio ochr yn ochr â thimau newyddion chwaraeon i ddatblygu eich sgiliau newyddiadurol, gan greu a darparu cynnwys o safon ar gyfer y BBC
• Yn rhan o holl weithgareddau’r ystafell newyddion chwaraeon, fel dod o hyd i gyfranwyr neu westeion difyr, ysgrifennu briffiau ar gyfer eich tîm, neu ffilmio a golygu ffilmiau
• Canfod a chreu straeon ar gyfer cynulleidfaoedd amrywiol, gan gynnwys meddwl am syniadau newydd, cynnal ymchwil fanwl, a chynorthwyo gyda chyfweliadau
• Gweithio gydag arbenigwyr yn y sefydliad darlledu gwasanaeth cyhoeddus mwyaf yn y byd, a dysgu ganddynt.

Byddwch yn astudio ar gyfer cymhwyster prentisiaeth sy’n cael ei gydnabod yn y diwydiant, gan ddysgu yn y gwaith a’r tu allan i’r gwaith. Mae hyn y byddwch chi, fel prentis, yn dilyn y safon Prentisiaeth Newyddiadurwr (cwricwlwm) ac yn gweithio tuag at gymhwyster sy’n cael ei gydnabod gan y diwydiant, sef Diploma NCTJ mewn Newyddiaduraeth. Asesir hyn drwy arholiadau a gwaith cwrs.

I gael rhagor o wybodaeth am fframwaith y brentisiaeth, ewch i’r ddolen hon (JRA26). Mae rhagor o wybodaeth am Ddiploma NCTJ ar gael drwy ddilyn y ddolen hon.

EICH SGILIAU A’CH CYMHWYSEDD

Rydym ni eisiau gwybod pam eich bod chi’n awyddus i weithio yn y BBC ac mae gennym ddiddordeb yn eich brwdfrydedd i ddarparu cynnwys o’r radd flaenaf a rhagoriaeth weithredol i’n cynulleidfaoedd. Nid ydym yn canolbwyntio ar eich cymwysterau, yn hytrach rydyn ni’n chwilio am botensial, a byddwn yn rhoi cyfle i chi roi eich profiad a’ch cryfderau trosglwyddadwy ar waith mewn gwahanol ffyrdd.

Os oes gennych chi rai o’r sgiliau a’r profiadau hyn, ynghyd â chryfderau trosglwyddadwy, byddem yn falch o glywed gennych chi ac rydym yn eich annog i wneud cais:

• Yn chwilfrydig iawn am chwaraeon a’r newyddion o’i gwmpas
• Yn llawn syniadau creadigol a ffyrdd llawn dychymyg o adrodd straeon
• Yn frwd dros gynhyrchu cynnwys chwaraeon mewn newyddion a materion cyfoes ar draws teledu, sain, ar-lein a chyfryngau cymdeithasol
• Mae ysgrifennu yn eich cyffroi
• Agwedd hyblyg, llawn cymhelliant ac yn barod i addasu i gyflymder ystafell newyddion chwaraeon.

Mae’r cynllun hwn wedi’i anelu at bobl heb raddio. Os oes gennych chi radd neu ddiploma NCTJ mewn Newyddiaduraeth a’ch bod yn dymuno hyfforddi fel Newyddiadurwr yn y BBC, rydym yn argymell eich bod yn gwneud cais am Brentisiaeth Newyddiadurwr Lefel 6.

MEINI PRAWF CYMHWYSEDD

Mae’n rhaid i chi fodloni’r canlynol i fod yn gymwys ar gyfer prentisiaeth yn y BBC:

• Bod yn 18 oed neu’n hŷn erbyn y bydd y brentisiaeth yn dechrau ym mis Medi 2026
• Bod wedi byw yn y DU yn ddi-dor am y 3 blynedd cyn dechrau’r brentisiaeth
• Bod yn gymwys yn gyfreithiol i weithio’n llawn-amser yn y Deyrnas Unedig am holl gyfnod y brentisiaeth
• Bod heb gofrestru ar gynllun prentisiaeth arall sy’n cael ei gefnogi gan y BBC neu sefydliad arall ar hyn o bryd.

I wneud cais am y cynllun hwn, rhaid bodloni’r canlynol hefyd:

• Nid ydych wedi cwblhau nac yn astudio ar gyfer diploma NCTJ neu gymhwyster newyddiaduraeth ar yr un lefel neu uwch
• Mae gennych un ai TGAU Mathemateg a Saesneg Gradd 4/C, gradd C mewn cymhwyster National 5 (yr Alban), Sgiliau Swyddogaethol Lefel 2; neu gymhwyster cyfatebol.

I gwblhau’r prentisiaeth, mae’n rhaid i chi gael Lefel 2 Sgiliau Hanfodol Cymru mewn: Cyfathrebu a Chymhwyso Nifer o fewn y 12 mis cyntaf o’r prentisiaeth.

BAROD I YMGEISIO?

Peidiwch â cholli’r cyfle i fod yn rhan o rywbeth cyffrous. Ydych chi’n gweld eich hun yn ffynnu yn y rôl hon? Cliciwch ‘Ymgeisio Nawr’!

Bydd angen i chi greu proffil ymgeisydd ac ateb ambell gwestiwn – does dim angen CV na llythyr cais.

Os ydych chi’n gymwys, byddwn ni’n eich tywys drwy’r camau nesaf gan roi syniad i chi o beth i’w ddisgwyl.

Bydd angen i chi fyw o fewn pellter teithio i leoliad y swydd hon. Eisiau gweithio o leoliad gwahanol? Edrychwch ar ein hysbysebion eraill – ond cofiwch mai dim ond am un swydd y gallwch wneud cais.

Mae hon yn brentisiaeth am gyfnod penodol – bydd eich contract yn para hyd ddiwedd y cynllun. Ar ôl cwblhau’r cynllun, byddwch chi’n cael eich cefnogi i ddatblygu yn eich gyrfa ac yn derbyn hyfforddiant cyflogadwyedd a chyfleoedd i rwydweithio i’ch helpu i gymryd y camau nesaf – boed hynny gyda’r BBC neu gyda sefydliad arall yn y diwydiant.